අමාරු දවස් අමාරුවෙන් ගෙවෙනකොට, හිනාවෙන දවස් තව ඇතයි වගේ දැනුනත්... ඒ හීන හැබෑ කරන සතුට හොයාගෙන, කොයි තරම් හෙමින් ආපු කාලයද මේ හැල්මේ දුවන්නේ...
මග හැරුණු හැම සතුටකටම හිනාවක් වෙලා, හැම අහිමිවීමකම හිමිකාරයෝ වෙලා ඔයත් මමත් දන්නෙම නැතුව පහු කලේ ඒ අපේ වසන්ත කාලේ.. හෙට නොදකින ඔයාගේ හිනාව කොයිතරම් කාලයක් මගෙන් ඈතට යයිද මම දන්නේනෑ එත් අපි දන්නවා කොයි ඉසුව්වක පිපුනත්, කොයි කොදෙව්වක සුසුම්ලෑවත් සුවඳ මල් හැමදාමත් සුවදයි .....
උපුටා ගැනුමකි.
අද දින ඔබ විසින් නොදැකපු නොදන්නා අනාගතයක් වෙනුවෙන් දහසක් සැලසුම් සෑදීම මදකට නතර කරන්න ..... ඒ වගේම දැනටමත් අතීතයට එක වූ අතීතය වෙනුවෙන් සෝ සුසුම් ලෑමක් මදකට නතර කරන්න...... නොදැකපු අනාගතයකටත්..... ගෙවූනු අනාගතයකටත් ඔබේ මේ වර්තමාන මොහොත විනාශ කර නොදැමීමට වග බලාගන්න....
මේ මොහොතේ ඔබේ මනස විවර කරන්න... ඒ වීවෘත මනසින් ඔබ ජීවත් වන මේ මොහොතේ යථාර්තය අවබෝධ කර ගැනීමට උත්සහ කරන්න..... අමතක කරන්න එපා මේ දැන් ඔබ ඉහලට ගත්ත හුස්ම පොද ඔබේ අවසාන හුස්ම පොද විය හැකි බව... එනිසා අතීතය වෙනුවෙන් දුක්වීමත්.... අනාගතය වෙනුවෙන් දහසක් සැලසුම් සැදීමත් මදකට නතර කොට... ඔබේ ඔබේම සිත, කය, වචනය , තුලින් රාගය, ද්වේශය , මෝහය , නැති කර දැමීමට මේ ඔබ ජීවත් වන්නට වරම් ලැබූ වාර්තමාන මොහොත යොදාගන්න,....
උපුටා ගැනුමකි.
මේක දේශපාලනය ගැන පෝස්ට් එකක් නම් නෙමෙයි. අලිය මුනිස්සුන්ට ගොඩක් ප්‍රයෝජනවත් සතෙක්නෙ. කොහොමත් "අලි බැලිල්ලයි, බලි බැලිල්ලයි එපා වෙන් නෑ" කියලනෙ කතාවටත් කියන්නෙ.
අලින් ඉතාමත්ම දරුණු වූ අවස්ථාවන් ගැන පමණක් නොව එම දරුණු සරින් සිදු කළ නොයෙකුත් වූ විනාශයන් ගැනද අපි කොතෙකුත් කතාන්තර අසා ඇත්තෙමු. අලි බොහෝ විට මෙලෙස දරුණු වන්නේ ප්රධාන කරුණු තුනක් මුල් කරගෙනයි. ඒ අනුව දත් කැක්කුමක් හටගත් විටද අලි වඩාත් දරුණු වෙති. එලෙසින්ම වෙඩි පහරවලින් තුවාල ලබන විටද ඔවුන් දරුණු වන අතර අලි මද වැටෙන විට ද බෙහෙවින් දරුණු වෙතියි කියෑවේ. මේ සෑම අවස්ථාවකදීම තරහව, කෝපය මෙන්ම වෛරයද අලින් තුළ ඇති වීම මේ දරුණු වීම්වලට හේතුවයි. අලින්ගේ ඔළුව දෙපස ඇතුළේ පිහිටි ශංඛක ග්රන්ථීන් පිරී තද බද වීමෙන් ඔළුව දෙපැත්තට වැක්කෙරෙන කහ පාටට හුරු තෙලකට හුරු මේ දියරය "මද" වශයෙන් හැඳින්වේ. මෙම මද මෙසේ අලින්ගෙන් දින කිහිපයක් වැක්කෙරෙන්නට පිළිවන. එසේම එය සති කිහිපයක් හෝ මාස ගණනක් ඉක්ම යන තෙක් ද වෑහෙන්නට බැරිකමක් නැත. කෙසේ වුවත් මෙම විපර්යාසය සිදුවන මේ කාලයේ අලින් සිටින්නේ දැඩි කෝපයකින්ය. එයට හේතුව කුමක්දැයි තවමත් හරි හැටි සොයාගෙන නැත. දැන හඳුනාගත් මිත්රශීලී දෙදෙනෙක් හමුවූ විට සොඩ කෙළවර ඔවුනොවුන්ගේ මුව තුළ රදවා ගැනීමත් ආහාර ගන්නා අවස්ථාවල එලෙසම සිදු කිරීමත් අලි ඇතුන්ගේ මිත්රශීලීකම් අගවන සුලභ චර්යාවන් වේ. මේ හැරුණු විට මද ග්රන්ථී හෙවත් ශංඛක ග්රන්ථී (Temporal gland) ගැහැණු පිරිමි භේදයකින් තොරව සොඩයෙන් ස්පර්ශ කර ගනිති. එවිට මද ග්රන්ථී වලින් මද වෑස්සීම සිදු වේ. මොවුන් මද කාලයට (මද කිපෙන කාලය ලෙස ව්යවහාරයේ පවතී.) මද ග්රන්ථී තරමක් ඉදිරියට නෙරා පිහිටයි. එමෙන්ම සංවාසයේදී, දිවීමේදී හා උග්ර සටන් වලදී මද ග්රන්ථී පැහැදිලිව ඉදිරියට නොරා එයි. පුරුෂ ලිංගික හෝමෝනයක් වන ටෙස්ටොස්ටෙරොන් මෙම මද ස්රාවයේ අඩංගු වේ.
මද කිපුණු අලියකු මෙලෙස කෝප වී කළ විනාශයකට එම අලියාගෙන් සියුම් ලෙස පළිගත් කැටකිරිල්ලියක් පිළිබඳ අපූරු කතාවක් අපේ පන්සිය පනස් ජාතක පොතෙහිද දක්නට ලැබෙයි. එනම් ඒ ජාතක පොතෙහි එන තුන්සිය හතළිස් හය වැනි ජාතක කතාව වන "ලටුකික ජාතකය" යි. මේ හෙයින් විශේෂයෙන් හීලෑ අලියකු නම් මද කිපෙන විට ඌ දඬු වැටකින් කොටුකර තැබිය යුතුය. එසේත් නැත්නම් ශක්තිමත් යකඩ දම්වැලකින් ඌ බැඳ දැමිය යුතු වන්නේය. අලියාගෙන් සේම ඇතින්නියගෙන්ද මේ මද වෑහෙන බව සත්යයක් වුවත් ඇතින්නියන්ගෙන් මද වෑහෙන්නේ කලාතුරකින්ය. මද කිපෙන අලින් කෙසේ වුවත් අතීතයේ දී නම් හඳුන්වා ඇත්තේ, හොර අලින්" ලෙසය. කිසිම බයක් හෝ හැකක් නැතිව මිනිසකු දුටු ගමන් පැන ඔහුට පහරදී මරා පොඩිපට්ටම්කර දැමීම මේ හොර අලින් කෙරෙන් කැපී පෙනෙන ලක්ෂණයක්ය. මෙබඳු හොර අලින් සැබැවින්ම දක්නට ලැබෙන්නේ කලාතුරකින්ය. කෙත්වතු කුඹුරු ආදිය පාළු කිරීමද මෙම හොර අලින්ගේ ලක්ෂණයක් ලෙස අතීත ගැමියෝ වටහා ගෙන සිටියහ.
අපේ තරුණ තරුණියන්ගෙත් මද කිපෙන කාලෙ වගේ කාලෙ තමයි වයස 18 ත් 30 ත් අතර වෙන කාල පරතරය. ඒ කාලෙ තරුණ තරුණියො කවුරුවත් කියන දෙවල් අහන්නෙ නෑ. ඒ වගේම හුගක් ආවේගශීලියි. පොඩ්ඩක් වැරදෙන්න බෑ රණ්ඩු. ඕනි තරම් ගහ ගන්නව බැරි වෙලා ඇගේ හැප්පුනා කියල.
ඔය කාලෙදි ජීවිතේ ගැන අත්දැකීම් එහෙම අඩු උතත් හිතන්නෙ තමන් හැමදේ ගැනම හොදට දන්නව කියල තමයි. ඔය කාලෙදි දැනෙන අදහස් ගොඩක් නැවිම්. ඒ උනාට ඒව ප්‍රායෝගික නෑ. ඒ අදහස් ක්‍රියාවට නන්වන්න ඕනි වැඩිහිටියන්ගෙන් අදහස් හා යෝජනා එහෙමත් අරගෙන. එතකොට තමයි අපිට ඒවයින් හොද ප්‍රතිපල ලැබෙන්නෙ.
ඔයාලට බුදු සරණයි. මම IsH.
ප්‍රේමය පැවසිය යුතුද..?
විරුද්ධ ලිංගික ආකර්ශනය සමාජයේ සුලබ දෙයකි. වර්තමානයේදී විවිධ වූ කරුණු අරඹයා විරුද්ධ ලිංගිකයන් වෙත ආකර්ශනය වේ. ඒවා අතරින් මුලිකම ප්රධාන කරුන ප්‍රේමය නම් වේ. ශිෂ්ටත්වයට පත් මානවයා තම වර්ගයා බෝ කරගැනීමේ කියාවලිය විවාහය මත පදනම් කරගෙන ඇත. සමහරෙක් ආදරය කර විවාහ වන අතර තවත් සමහරෙක් විවාහ වී ආදරය කරයි. කොයි ආකාරයකට වුවද ආදරය නැති තැන විවාහයකට පැවැත්මක් නැත.
අපේ හිත් වලට කවුරු ගැන කොයි වෙලාවෙ ආදරයක් දැනෙයිද කියල කවුරුවත් දන්නෙ නෑ. කෙනෙක්ව දකින මුල්ම දවසෙ වෙන්න පුලුවන් ආදරයක් ඇති වෙන්නෙ. නැත්තම් ටික කාලයක් ගියාම වෙන්න පුලුවන්. සමහරක් වෙලාවට ඒ ආදරේ වගේ දැනෙන්නෙ ආකර්ශනයක් විතරයි.
කොහොම උනත් ඒ අපිට දැනුන ආදරේ ඒ කෙනාට කියන්න ඕනිද.?
ගොඩ දෙනෙක් ආදරේ කරල විවාහ වෙලා. දරු මල්ලො හදාගෙන ජීවත් වෙන්න තමයි බලන්නෙ. ලුණුයි බතුයි කාල හරි ජීවත් වෙමු කියල තමයි කතාවට නම් කියන්නෙ. එහෙම ජීවත් වෙනව කියල හිතනව නම් තමන්ගෙ හිතේ තියෙන ප්‍රේමය අනිත් කෙනාට කියන්න ඕනි.
නමුත් ආදරේ කියන්නෙ කියන්න ඕනිම දෙයක් කියල මම නම් හිතන් නෑ.. ආදරේ කියන්නෙ බලෙන් ලබා ගන්න ඕනි දෙයක්වත්, උදුර ගන්න ඕනි දෙයක්වත් නෙමෙයි. අපි ආදරේ කරන කෙනාට ඈත ඉදන් සතුටින් ඉන්න උදව් කරල අපි සතුටු වෙන එක තමයි හරිම ආදරේ.
තෑන්ක් යූ.
මම IsH
ජිවිතේ පැතුම් මල්,
සිතින් තව පොදි බැදන්,
ආදරේ මේ තරම්,
මගෙ හිතේ හිර කරන්...
ජීවිතේ ඔබෙන් තොර,
ලොවක් මට නැති තරම්,
හිනහෙන්නෙ මම කෝම,
නුඹව අමතක කරන්...
විරහව, සමහරුන්ට සුන්දරයි, සමහරුන්ට දුක්‍යදායකයි. දැන් කාලෙ ඉන්න කොල්ලො කෙල්ලො ගොඩ දෙනෙක් විරහවේ අද්දැකීම් ලබල තියෙනව. සමහරු නම් විරහවෙ දුක කොහොම හරි විද දරා ගන්නව. සමහරි මත්පැන් වලට යටවෙලා ජීවිතේ විනාශ කර ගන්නව. තවත් සමහරු ජීවිතේ නැති කරලම දාගන්නව. කවුරු කොහොම කීවත් විරහව කියන දේ දරා ගන්න හුගක් අමාරුයි.
හුග දෙනෙක් විරහවත් එක්ක මනසින් අලුත් වෙනව. සමහරුන්ගෙ එදිනෙදා පුරුදු, කියාකාරකම් එහෙම් පිටින්ම වගේ වෙනස් වෙනව. ඉස්සර අසාවෙන් කරපු වැඩ ටික ටික කරන එක අඩු වෙලා එහෙන්මම නවතිනව. ඔය කාලෙදි සමහරු ජිවිතේ ගැන ගැඹුරට කල්පනා කරනව. ටික දෙනෙක් ජිවිතේ ගැන කළකිරිල මහණ වෙනව. තවත් කොටසක් ජිවිතේ ගැන කළකිරුන නිසා වෙන දෙයක් වෙද්දෙන් කියල අරමුණු බලාපොරොත්තු මොකුත් නැතුව ඔහේ ජීවත් වෙනවා. තවත් සමහරු මන් ආදරේ කරපු කෙනගෙ වැරැද්ද නිසා තමයි මට මෙහෙම උනේ කියල හිතල ඒක වුනේ කෙල්ලෙක් නිසා නම් කෙල්ලො ඔක්කොම ගැන කෙන්ති ගිහින් කෙල්ලන්ගෙන් පලි ගන්නව. කොල්ලෙක් නිසා නම් එහෙම වුනේ කොල්ලොන්ගෙන් පලි ගන්න පෙලබෙනව. තවත් සමහරුන්ගෙ මොලේ අවුල් වෙලා පිස්සො බවට පත් වෙනව. සමහරු නම් ඕව මොනවද කියල ආතල් එකේ ඉන්නව. ඕව ඇත්තටම මේ සමාජෙ වෙන දේවල්.
විරහවේ දුක නැති කරගන්න නම් කරන්න පුලුවන් හොදම දේ තමයි අලුත් ආදරයක් ගැන හිතන එක. ඒ උනත් ගොඩ දෙනෙක් ආදරයක් අවසන් වෙච්ච ගමන්ම වෙන කෙනෙක් ගැන හිතන්න කැමති නෑ. එත් ආදරෙන් පරාද වෙච්ච හිතකට හොදම බේත තමයි තවත් ආදරයක්.
අපි වෙන වෙන දේවල් ගැන හිතපුවහමත් අපිට විරහවෙ දුක අමතක කරන්න පුලුවන්. වෙනදට වඩා පොඩ්ඩක් කාර්‍යබහුල උනොත් නැති උන ආදරේ ගැන හිතන්න වෙලාවක් නැති වෙනවනෙ.
ඒ වගේම ඔයාල පොඩ්ඩක් කල්පනා කරල බලන්න ඒ හැරගිය පෙම්වතා හෝ පෙම්වතිය දැන් දාල ගිය එක කොච්චර හොදද..? නැත්තම් කසාද බැදල ළමයි එහෙම ඉන්න වෙලාවක ඔයාව දාල ගියොත් ඔයා කොච්චර අසරන වෙයිද, ඔයාලගෙ ළමයි කොච්චර අසරණ වෙයිද කියල.
එහෙම බල්පුවාම නම් මේ පොඩි වෙන්වීම දුකක්ද.....?
නේද.....?
IsH
අපේ ජිවිත වලට නැතුවම බැරි දෙයක් තමයි ආදරය. හොද කෙනෙක් ගෙන් අපිට ආදරයක් ලබුනොත් අපේ ජීවිත ලස්සන වෙනව. ඒ වගේම නරක කෙනෙක්ගෙන් අපට ආදරයක් ලැබුනොත් අපේ ජීවිත විනාශ වෙනව. ඒ වගේම කෙනෙක් හොද හෝ නරක කෙනෙක් කරන්නත් අපිට ලැබෙන ආදරයකට පුලුවන්.
තනිකමෙන්, පාලුවෙන්, ප්‍රශ්න වලින් හෙම්බත් වෙලා ඉන්න කෙනෙක්ට හොද උත්තරයක් තමයි ආදරය. ඒ වගෙම අරමුණක් නැතිව ජීවිතේ ඔහේ යන්න දීලා බලන් ඉන්න කෙනෙක්ට ජීවිතේට අලුත් අරමුණු එක් කර ගන්න පුලුවන් දෙයක් තමයි ආදරය. අපේ ආගම් වල හැටියට අපි කරන මේ කිසිම දේකින් වැඩක් නෑ. නමුත් අපි ගිහියො වෙලා ඉන්නව නම් අපිට හොද, ලස්සන, ප්‍රීතිමත් ජීවිතයක් ඕනි කරනව. ආදරය නිසා අපි සතුටෙන් ජීවත් වෙනව. ඒ වගේම ආදරයනිසා අපේ ජීවිත ලස්සණ වෙනව.
විකිපීඩියා එක කියන විදියට නම් ආදරය කියන්නේ බැඳීම සහ ලිංගික ආකර්ශනයට
සම්බන්ධ හැඟීම් සහ අත්දැකීම් සමුදායක
මිශ්රනයකට. මම නම් ඒක විශ්වාස කරනව. කවෘ හරි කියන්ව නම් ලිංගික ආකර්ශනය කියන දේ ආදරයකට ඕනි නෑ කියල එක බොරුවක්. උඩ කියපු කාරනා දෙකම අනිවාරෙන් ආදරයකට ඕනිමයි.
ලියන්න පටන් ගත්තම නම් හිතට හුගක් දේවල් එනම. පෝස්ට් එක දිග වැඩි උනාම බෝරින්නෙ. එ හින්ද අදට ඔය ඇති. මතකනෙ මෛත්‍රීගෙ ලියුමෙ හැටි.
සුභ අනාගතයක්. මම ඔයාලගෙ ආදරණීය IsH.
ජීවිත් වෙනකොට උත්සහ ගන්න ඕනි ප්‍රශ්න වලින් පැනල යන්න නෙමෙයි. ඒක විසඳගන්න. ඒකට මුණ දෙන්න. මිනිස්සුන්ට කොච්චරක් නම් දේවල් වෙනවද..? එත් හැම එක්කෙනාම බලන්නේ ජීවත් වෙන්න... තත්පරයක් හරි... ඒ ජීවිතේ ගොඩාක් වටින නිසා. ජීවිතේ නැති කරගන්න නෙමෙයි හිතන්න ඕනි. ජීවිතේ ලස්සන කරගන්නේ කොහොමද කියල. ජීවිතේ නැති කරගන්නෙ, කරන්න දෙයක් නැති කමට නෙමෙයි... ඒ උන්ගෙ පව්... වටින ජීවිතේකට අඩු ලන්සුවක් දෙන්නෙත් ඒකයි. ජීවිතේ කියන්නේ මිල කරන්න බැරි ලන්සුවක්.
කෙදිනකවත් ඔබේ ජිවිතය ගැන අවතක්සේරු නොකරන්න. ඔබේ ආනාගතය ඔබට අවශ්‍ය අයුරින් අලංකාර කර ගැනීමට අප්‍රමාදව කටයුතු කරන්න.
කන්දක් නැග්ගොත් පළ්ලමක් හම්බවෙනවාමයි.
ඔයාලට බුදු සරණයි. මේ ඔයලගෙ ආදරණීය IsH.
මෙම ජීවිත කාලය තුලදී හැම පිරිමියෙක්ම තම පෙම්වතියට, බිරිදට විවෘතව ආදරය කල යුතුය. ලිංගික තෘප්තිය වූ කලී ඕනෑ මට්ටමකින් ලබා ගත හැකි සුලබ දෙයකි. එහෙත් ගැහැනියකගේ පවිත්‍ර ආදරයකට හිමිකම් කීමට පිරිමියෙකුට ලෙහෙසියෙන් ඉඩ ලැබෙන්නේ නැත.
පිරිමියෙක් එකම බිරිදක් සමඟ ජීවිතය බෙඳාගෙන ජීවත්වීම ඉතා ප්‍රශංසනීය කටයුත්තකි. අද බොහෝ පිරිමි තමන්ගේ බිරින්දෑවරුන් සිටියදී වෙනත් ගැහැණුන් සමග සබඳතා පවත්වති. මේ දුර්වලකම් නිසා දුකට පත්වූ බොහෝ ගැහැණුන් මේ සමාජයේ ජීවත් වෙති.
ගැහැනිය ස්පර්ශයෙන් සංවේදී වන හෝමෝන වලින් යුත් සත්ව විශේෂයකි. ආශාවන් ඇති කරන ඔක්සිටොස්කින් නැමැති හෝමෝනයේ ප්‍රතිග්‍රාහක බව පිරිමින්ට වඩා ගැහැනියකගේ දස ගුණයකින් වැඩිය.
පිරිමියෙක් කවදත් එක ගැහැනියකගෙන් සතුටු වීමට කැමති නැත. පිරිමි තම බිරිද සමග යුග දිවි ගෙව්වත් මොළයේ ක්‍රියාකාරිත්වය පවතින්නේ බහු භාරය රුචිය පිළිබඳ කැමැත්ත පෙර දැරිවය. පිරිමි, ගැහැණු කිහිපදෙනක් සමග ඇසුරු කිරීමේ නොමද ආශාවෙන් පෙලෙන බව බිරින්දෑවරුන් දැන ගත යුතුය. එහෙත් සැබෑ මානසික විද්‍යාවට අසු නොවන සමහර පිරිමින්ද සිටිති. ඒ තම බිරිදට ඉතා ගැඹුරින් ආදරය කරන පිරිමින්‍ ය.
